اي وفا سيز سني من تا اوزومه يار ايلديم

گول کيمي عمرومو سالديم اياغا خار ايلديم

عهدو پيمان بيزيم ذوق و صفا اوزگه لرين

اينانوب آندونا اول سني ديندار ايلديم

کافر اولسيدي اگر رحمه گلردي گوزليم

اوقدر کي سنه من درديمي ايظهار ايلديم

قويموسان ناز باليشا باشيني هاردان بيله سن

کي داش اوستونده نجور جسميمي بيمار ايلديم

غيريله همدم اولوب غمله مني ياد ايلدين

سندن اوتري هامني کونلومه اغيار ايلديم

آتا داغيله يانان کورپه اوشاق درديندن

اتگينده آنامون اودلو فغانلار ايلديم

شهريارا مني ظولمويله او پامال ايتدي

تا اوپوپ يوللاريني عشقيمه سردار ايله ديم